वर्ष पूर्व की गई,जो आज सत्य सिद्ध हो रही ।
सुणजो रे संसारी लोगों ऐसा जमाना आवेला ।
धर्म पुण्य में ध्यान न धरसी , पाप घणो बध जावेला ।
देवों ने पूजे नहीं पापी , गोविंद ने नहीं गावेला ।
गंगा गयो पाप घण लागे , पापियों फरमावेला ।
दया कियां तन दरद उपजे , दान किया दुख पावेला ।
पंडितों ने पूछे न कोई , गुरडा वेद सुणावेला ।
चेलकिया गादी चढ बैठे,गुरुजी ने ज्ञान सुणावेला ।
........................................
भाई ने भाई नहीं जाणे , दुसमण जीऊं देखेला ।
बेटा बाप रो केयो नी माने , घुड्क तणा अखडावेला ।
बुढलिया में अकल नहीं अब , पागल के बतलावेला ।
नेम धर्म अरू कर्म तज देसी सब दिन टका कमावेला ।
ईश्वर ने ईश्वर नहीं जाणे , आप ब्रह्मा बण जावेला ।
.....................................
काली मात चलावे चक्कर ,भेरू धमक बजावेला ।
.....................................
स्त्रियां गेणो तज देसी , दो दो चूडी राखेला ।
स्वाग भाग सब छोडने बेना , केसां ने सुलजावेला ।
.......................................
जात पात री रीत न रेसी , एक जात बण जावेला ।
भांभी भील सरगरा संग में ,भंगी भोजन पकावेला ।
राजाराम कहे मेरे बंध्वा कर्म धर्म हट जावेला ।
कुदरत ऐसी आय बणेला , सभी एक होय जावेला ।
जय राजेश्वर ! जय सनातन धर्म !
......................................
सौजन्य से: -आँजणा पटेल कलबी #चौधरी_समाज_राजेश्वर_धाम_शिकारपुरा.
कोई टिप्पणी नहीं:
एक टिप्पणी भेजें